Испаниялық Ла Лига президенті Хавьер Тебас Халықаралық футбол федерациясының (ФИФА) басшысы Джанни Инфантиноны қатты сынға алды. Оның пікірінше, Инфантино лауазымынан кетуі керек, деп хабарлайды infohub.kz сайты «Чемпионатқа» сілтеме жасап.
Тебастың айтуынша, Инфантино кетуі керек, бірақ жақын арада бұл болмайды. La Gazzetta dello Sport басылымына берген сұхбатында (аудармасын «Чемпионат» келтірген) ол былай деді: «Менің ойымша, оның уақыты өтті. Алайда оған жүйе мен федерациялар қолдау көрсетіп отыр, сондықтан қосарым аз, дұрыс па? Оппозициядан үміткер жоқ, ешкім жеңілу үшін сайлауға түскісі келмейді. Бұл жүйе – ол түп-тамырынан шіріген. Инфантино билікте қалмауы керек, бірақ қазіргі жағдайда ол кетпейді. Соңғы бірнеше күнде Инфантиноға қарсы шыққан көптеген адамдарды естідім, олар оның істеп жатқандарымен келіспейді. Олар бұл туралы айтады, бірақ ештеңе істемейді. Қайсысы жаман екенін білмеймін – үнсіздік пе, әлде бірлесіп істеу ме, өйткені үнсіз қалғандар футболға қандай зиян келтіріп жатқанын жақсы біледі».
Бүгін New York Post газеті АҚШ президенті Дональд Трамптың ФИФА басшысы Джанни Инфантиноны Біріккен Ұлттар Ұйымының бас хатшысы лауазымына ұсыну мүмкіндігін қарастырып жатқанын хабарлады.