Ынжық күйеу
Әйелінің ақылымен ғана жүретін біреу болыпты. Бір күні замандастары жиналған жерде біреулер оны:
— Ынжықсың, езсің, қатыныңнан қорқасың, — деп намысына тисе, енді біреулер:
— Қатынынан қорықпайды, мықты ашуланғанда қатынын көкала қойдай қылып сабап салады, — деп қайрапты.
Ызамен үйіне келген ол, дастархан үстінде бағанағы өзін жақтағандардың сөзін расқа шығармақ болып, болымсыз бірдемені сылтауратып әйеліне тұра ұмтылыпты. Әйелі де қарсы ұмтылып, ұстаса кетіпті. Әйелі мықты адам екен, оны ықсырып жіберіпті. Сонда әлгі жігіт:
— Үй, ыдыс-аяқ шағылады, ыдыс-аяқ шағылады, далаға шығайық! — депті.
You Might Also Like
-
Алыстан жолаушы келе жатқан Өмірбайды бір ауылдың маңында үш-төрт ұры киім-кешек, ат, ер-тоқымымен тонап кетіпті. Тоналған Өмекең жаяу-жалаң ауылға келіпті. Ауыл адамдары Өмекеңнен:
-
Қай кезде болсын ел еркесі болған ерлерге ешкім де тізесін батырып, тіліне тыйым сала алмаған. Халқымыз олармен ай сайын болмаса да, жыл сайын мәслихат-кеңес құрып отыруды зор ғанибет, жан сергітер...
