Иран Сыртқы істер министрлігі Оманмен бірлесіп әзірленіп жатқан Ормуз бұғазы туралы меморандумның егжей-тегжейін ашты. Құжатқа сәйкес, кеме қатынасының уақытша бағыты екіге бөлінеді: Парсы шығанағына кіру Иран сулары арқылы, ал шығу Оманның аумақтық сулары арқылы жүзеге асырылады, деп хабарлайды infohub.kz сайты.
Иран Сыртқы істер министрінің орынбасары Казем Гариб-Абади бұл бағыттың уақытша екенін түсіндірді. 30-60 күн ішінде тараптар уақытша дәлізді алмастыратын тұрақты дәліз құру туралы келіссөздер жүргізеді. Айта кету керек, меморандумға сәйкес, әскери кемелердің өтуіне тыйым салынады, бұғазды тек сауда кемелері пайдалана алады.
Дипломат Иранның соғыс жағдайында екенін, сондықтан Ормуз бұғазы жабық күйінде қалатынын атап өтті. Оманмен жасалған меморандум бұғаздың дереу ашылатынын білдірмейді. Толық ашу үшін Тегеран Вашингтоннан маусым айындағы меморандумның шарттарын орындауды талап етеді, оның ішінде теңіз блокадасын алу, барлық майдандағы ұрыс қимылдарын тоқтату және Йемендегі жағдайды реттеу бар.