Италияда полиция Парма маңындағы Маньяни-Рокка қорының жеке мұражайынан наурыз айында ұрланған Ренуар, Матисс және Сезанннің кенептерін тапты, деп хабарлайды infohub.kz сайты.
Француз суретшілері Пьер Огюст Ренуар, Поль Сезанн және Анри Матисстің картиналары күдіктілердің бірінің үйінен табылды. Парма полиция бастығы Андреа Пальяроның айтуынша, іс бойынша Молдованың тоғыз азаматы өтіп жатыр, оның бесеуі ұрлыққа қатысқан деген күдікке ілінген.
Мәселе Ренуардың кейінгі жұмысы «Балықтар», Сезанннің қарындашпен және акварельмен салынған «Шиелі натюрморт» және Матисстің «Террасадағы одалиска» акварелі туралы болып отыр. Олардың шамамен нарықтық құны тиісінше 3 млн, 6 млн және 20 мың еуроға бағаланады.
Еске салайық, ұрлық 22-нен 23 наурызға қараған түні болған. Полиция деректері бойынша, беттерін капюшонмен жасырған ұрылар кіреберіс есікті бұзып, кенептерді алып, қашып кеткен. Ұрлық дәл үш минутқа созылған.
Мұражайға иелік ететін Маньяни-Рокка қоры бұл жоспарланған қылмыс екенін, бірақ бейнебақылау жүйесі мен полиция мен күзеттің жедел араласуының арқасында ол әрі қарай жалғаспағанын мәлімдеді.