Кавински (Vincent Belorgey) — "Drive" фильмінің атмосферасын айқындаған "Nightcall" әнімен танымал француздық электро-поп композиторы 50 жасында қайтыс болды, деп хабарлайды infohub.kz.
Мәдениет министрі Катрин Пегард оны Францияның "ең дара дауыстарының" бірі деп атады. Кавински 2024 жылы Париж Олимпиадасының жабылу салтанатында өнер көрсеткен болатын. "Оның музыкасы әрі биге шақырады, әрі сағынышқа бөлейді. Ол ұрпақтар мен шекаралар арасында әуелей береді", — деді министр Х әлеуметтік желісіндегі жазбасында.
Франция президенті Эммануэль Макрон Facebook-те: "Кавински — мәңгі француздық мақтаныш", — деп жазды.
Париж прокуратурасының мәліметінше, оның шын аты Венсан Белорже, сейсенбі күні кешке үйінен өлі күйінде табылған. Себебін анықтау үшін тергеу басталған, алайда жедел жәрдем қызметкерлері күдікті жағдайды аңғармаған.
Париж Олимпиадасында Кавински "Найтколлды" бельгиялық әнші Анжельмен бірге ұлттық стадионда орындап, жұртты тәнті етті.