Жапонияда өтіп жатқан 2026 жылғы XX жазғы Азия ойындарында Қазақстанның жүзу құрамасы кезекті жарыс күнін медальсыз аяқтады. Алайда ерлер командасы 4х100 метр еркін стиль эстафетасында ұлттық рекордты екі рет жаңартты, деп хабарлайды infohub.kz сайты.
Финалдық жүзуде Әділбек Мусин, Максим Клименко, Глеб Коваленя және Айбат Мырзамұратов 3 минут 17,86 секунд нәтиже көрсетті. Жаңа ұлттық жетістікке қарамастан, қазақстандық төрттік бесінші орынмен мәреге келді.
Эстафетада Қытай құрамасы жеңіске жетті. Күміс және қола жүлделерді Оңтүстік Корея мен Жапония командалары иеленді.
Бейсенбі күні Әділбек Мусин 50 метр баттерфляй қашықтығында жеке финалда да сынға түсті. 23,58 секунд нәтижемен ол сегізінші орын алды. Бұған дейінгі екі Азиадада бұл спортшы осы дисциплинада қола жүлде жеңіп алғаны атап өтілді.
Максим Сказобцов дәл осы қашықтықта іріктеуде 12-13 орынды бөлісіп, финалға өте алмады. 50 метр еркін стильде іріктеу кезеңінде Софья Сподаренко мен София Абубакирова тоқтады, олар тиісінше 14-ші және 18-ші орындарды иеленді. Фёдор Диденко 800 метр еркін стиль қашықтығында 18-ші нәтиже көрсетті.
Айбат Мырзамұратов 200 метр брасс қашықтығында финалға шыға алмады, іріктеуде 11-ші орынды алды. Осы қашықтықтағы финалдық жүзудің жеңімпазы әлемдік рекорд орнатқан жапондық Син Охаси болды — 2 минут 4,83 секунд.