Қазақстанда пойыз билеттерін сатудың жаңа жүйесін енгізу мүмкіндігі қарастырылуда, бұл жүйе бойынша бір купеде тек ерлер немесе тек әйелдер ғана жүре алады. Бұл туралы infohub.kz сайты хабарлайды.
Талқылауға себеп болған — Baby27alien логинімен тіркелген қазақстандық әйелдің Threads әлеуметтік желісіндегі жазбасы. Ол Түркияның тәжірибесін қолдануды ұсынды, онда купеге билеттер жолаушылардың жынысын ескере отырып сатылады: егер билетті бірінші болып ер адам сатып алса, бұл купеге тек ерлер ғана билет ала алады, және керісінше. Жазба авторы неліктен мұндай тәжірибе Қазақстанда қолданылмайтынын сұрады.
«Қазақстан темір жолы» ҰК» АҚ баспасөз қызметі бұл өтінішке жауап берді. Онда бұл жүйе компания мамандары тарапынан зерттеліп жатқанын хабарлады. «Сәлеметсіздер ме! Бұл жүйе біздің мамандар тарапынан зерттелуде. Әрі қарай жүйені енгізу мәселесі қарастырылатын болады. Айта кетейік, қазіргі уақытта ұлттық тасымалдаушы негізгі бағыттарда «әйелдер вагоны» қызметін енгізген», — деп жауап берді баспасөз қызметі.