2026 жылдың қаңтар-шілде айларында Қазақстанның ЖІӨ-сі мұнай өндірісінің күрт төмендеуіне қарамастан 4,1%-ға өсті, деп хабарлайды infohub.kz сайты.
Ұлттық экономика министрлігінің мәліметінше, экономикалық өсім биылғы жеті айда 5,4%-ға өскен шикізаттық емес сектор есебінен қамтамасыз етілді.
Қазақстан экономикасының негізгі сегменті болып қала беретін өңдеу өнеркәсібі 9,0%-ға сенімді өсім көрсетті. Өңдеу саласындағы өсу қарқыны бойынша көшбасшылар: машина жасау (22%), тамақ өнімдерін өндіру (13,9%), химия өнеркәсібі (26,9%), фармацевтика (38,5%), құрылыс материалдары (9,4%), дайын металл бұйымдары (35%), құрылыс (15,3%), көлік және қоймалау (7,4%), сауда (5,9%), ауыл шаруашылығы (5%) және байланыс (4,3%).
Ведомствоның айтуынша, бұрынғы жылдары экономиканың өсу қарқыны шикізат секторының динамикасына қатты тәуелді болды: мұнай өндірісінің баяулауы ЖІӨ өсімін тежесе, ал жеделдеу тиісінше өсуге күшті серпін берді.
Алайда, соңғы жылдары экономиканы әртараптандырудың арқасында мұнай секторының рөлі айтарлықтай төмендеді: 2025 жылдың қорытындысы бойынша ЖІӨ құрылымында мұнай өндіру үлесі 7,8%-ға дейін қысқарды.
Бұған дейін «Курсив» Қазақстан КТК-ға жасалған шабуылдар салдарынан айына 700 млн доллар жетіспеуі мүмкін екенін хабарлаған болатын.