Непал мен Қытай шекарасындағы табиғи апат аймағында Қазақстанның үш азаматшасы хабар-ошарсыз кетті, деп хабарлайды infohub.kz сайты.
ҚР Сыртқы істер министрлігінің ресми өкілі Жанболат Үсенов өзінің Telegram-арнасында Қытай мен Непал шекарасындағы апат аймағында болуы мүмкін үшінші қазақстандық турист туралы мәлімет түскенін хабарлады. Қазақстан дипломаттары екі елдің мемлекеттік органдарымен өзара іс-қимыл жасап, отандастарды іздестіру жалғасуда.
Бұған дейін Қытай мен Непал арасындағы шекаралық өткел аумағында жер сілкінісінен кейін опырылып түсу болғаны хабарланған болатын. Кейіннен қатты су тасқыны мыңдаған адамның жоғалуына себеп болды. Ірі су тасқынының себебі жер сілкінісі мен одан кейінгі опырылып түсу деп аталып отыр.
27 тамызда Қытайдан Непалға туристік топ құрамында өткен қазақстандық туристі іздеу басталғаны белгілі болды. Алдыңғы күні су тасқыны кезінде хабар-ошарсыз кеткен тағы бір азаматшаны іздеу туралы ақпарат пайда болды.