Қазақстандық турагент танымал k-pop тобы BTS жанкүйерлеріне концертке жалған билеттер сатқан. SHOT Telegram-арнасының мәліметінше, оның әрекетінен бүкіл әлем бойынша 100-ге жуық адам зардап шеккен, деп хабарлайды infohub.kz сайты.
Анықталғандай, турагент өзінің әлеуметтік желілері арқылы 12-13 маусымда Пусанда өткен бойз-бэнд концертіне сапар сатып алуды белсенді түрде ұсынған. 167 мың рубльге (955,6 мың теңге) ол екі жаққа ұшу, жақсы қонақүйге орналастыру және концертке билеттер уәде еткен.
Оған дейін жалған турагент осылайша k-pop жұлдыздары BLACKPINK тобының концерттеріне сапарларды сатқан. Сол кезде туристер Гонконгқа келгеннен кейін ғана оларға қонақүй брондалмағанын, ал концертке билеттер мен кері рейстер жалған екенін білген.
Туристердің айтуынша, әлеуметтік желілерде қыз бәрін шешіп, ақшаны қайтарамын деп уәде берген, бірақ кейін жай ғана жоғалып кеткен. BTS концертіне билеттерді қайтарғысы келгендермен де дәл осындай жағдай болған.
Нәтижесінде турагенттің әрекетінен келтірілген жалпы залал 3,5 млн рубльге (19,9 млн теңге) бағаланған.
Бұған дейін «Курсив» BTS тобының «Грэмми-2027» сыйлығына жаңа альбом ұсынудан бас тартқанын жазған.