Жаздың соңғы демалыс күндерінде қазақстандық кинотеатрлар 740 млн теңге жинады, деп хабарлайды infohub.kz.
20-23 тамыз аралығындағы прокат көшбасшысы — «Человек-паук: Новый день» фильмі. Ол үшінші демалыс күндерінде 270 млн теңге табыс әкелді. Жалпы, прокат басталғаннан бері картина 3 млрд теңге жинады, бұл алдыңғы аптамен салыстырғанда 49%-ға аз. Бұл деректерді маркетингтік деректерді өлшеу және талдаумен айналысатын халықаралық Comscore компаниясы ұсынды.
Екінші орынды отандық «Болған оқиға 2» фильмі иеленді — демалыс күндерінде 135,5 млн теңге жинады. Үздік үштікті «Одиссея» түйіндеді: прокаттың бесінші аптасында ол 131,8 млн теңге жинаса, жалпы жинағы 2,6 млрд теңгеге жетті.
«Моана» үшінші орыннан төртіншіге түсіп, демалыс күндерінде 59 млн теңге, ал бүкіл прокат кезеңінде 234 млн теңге жинады. Бесінші орында дебют жасаған Энн Хэтэуэй ойнаған «На краю Оук-стрит» голливудтық фильмі 58,1 млн теңге табыс әкелді.
Бұған дейін Kursiv LifeStyle қазақстандық актрисаның әлемдік орыстілді прокатта Моананың әндерін орындағанын хабарлаған болатын.