«Автокомбинат №4» компаниясының президенті Динара Мингирова 2025 жылы 49,8 млн теңге көлемінде сыйақы алғанын infohub.kz сайты хабарлайды.
Ұйымның ДФО-да жарияланған 2024 жылғы соңғы қаржылық есептілігіне сәйкес, Мингирова автокомбинаттың жалғыз құрылтайшысы болып табылады. Бір жыл бұрын оған төленген сыйақы 37,5 млн теңгені құраған. Осылайша, бір жыл ішінде сыйақы сомасы 12,3 млн теңгеге, яғни 32,9%-ға өскен.
«Автокомбинат №4» әртүрлі мақсаттағы жүктерді автомобильмен тасымалдаумен айналысады, сондай-ақ кәсіпорындарға, ұйымдарға және халыққа қызмет көрсетеді. Кәсіпорынның 2024 жылғы пайдасы 5,5 млн теңгені құрады – бұл компания президентіне төленген сыйақыдан жеті есе төмен.
Динара Мингирова сонымен қатар компанияға қайтарымдылық және өтеусіздік шарттарымен 34 млн теңге көлемінде бірнеше қарыз берген. Қаражат өндіріске автокөлік сатып алуға жұмсалған.
Ашық деректерге сәйкес, Мингирова «D-TradeKZ» компаниясының да басшысы және құрылтайшысы болып табылады. Бұл компанияның қызмет түрі ашық деректерде көрсетілмеген. Дегенмен, Adata базасында компания үшін 68201 ЖКҚЭД көрсетілген – бұл меншікті немесе жалдамалы тұрғын жылжымайтын мүлікті жалға беру (субаренда) және басқару.
Бұған дейін «Курсив» Алматы фармзаводындағы түріктер өз топ-менеджеріне 93 млн теңге төлегенін жазған болатын.