3–5 қазан аралығында Қазақстан аумағында ауа райы күрт өзгереді: қыркүйек соңындағы жылы күндердің орнына суық әрі қолайсыз ауа райы орнайды, деп хабарлайды infohub.kz сайты.
NUR.KZ агенттігі «Қазгидромет» РМК-ға сілтеме жасап хабарлауынша, ауа райының өзгеруі қуатты солтүстік циклонның өтуімен байланысты.
Синоптиктердің болжамынша, алдағы күндері жаңбыр мен қар түріндегі жауын-шашын елдің барлық дерлік өңірінде жауады. Елдің солтүстігінде кезең соңында түнгі уақытта қар, көктайғақ және төменгі бұрқасын күтіледі. Тек оңтүстік пен шығыста ғана жаңбыр жауады. Батыста және солтүстікте түнгі және таңғы уақытта тұман болады. Республика бойынша жел күшейеді.
Қазақстан өңірлеріндегі ауа температурасы былайша болжанады: елдің солтүстік жартысында түнде -1-6°С-қа дейін төмендейді; күндізгі уақытта солтүстік-батыста, солтүстікте және елдің орталығында 0,+5°С-қа дейін төмендейді; шығыста +7+12°С болады; оңтүстікте және оңтүстік-шығыста — +10+15°С-қа дейін; таулы аудандарда — 0,+5°С; елдің батысында +10+18°С-қа дейін көтеріледі.