Қазақстан құрамасы 2026 жылғы Азия ойындарында бір жарыс күнінде әлемдік рекорд орнатып, бес медаль жеңіп алды. Алайда дүйсенбі күні қазақстандық спортшыларға алтын жүлде бұйырмады, деп хабарлайды infohub.kz сайты.
Азиада-2026-ның кезекті күнінің қорытындысы бойынша Өзбекстан құрамасы жалпы есепте төртінші орын үшін күресте Қазақстаннан айырмасын ұлғайтты.
Сонымен қатар Ясмина Тоқсанбаеваның дисквалификациясы ресми түрде бекітілді. Осының салдарынан жеңіл атлет марафондық қашықтықтағы спорттық жүрісте жүлдесіз қалды — ол бұл сайыста бірінші болып мәреге жеткен еді.
28 қыркүйекте Қазақстанның ауыр атлетика құрамасы екі күміс медаль жеңіп алды. Оның үстіне Алексей Чуркин (85 келіге дейін) жұлқи көтеруде әлемдік рекорд орнатты. Тағы бір жүлдегер — Нұрғиса Әділетұлы (95 келіге дейін).
400 метрге кедергілермен жүгіруде Азиаданың күмісін Аделина Земс алды. Синхронды жүзуде Қазақстан құрамасы командалық турнирде қола жүлдеге қол жеткізді. Дәл осындай жүлдені кураш күресінен Әділет Ахметғали (81 келіге дейін) иеленді.
Қазақстан құрамасы жалпы есепте бесінші орында қалып, күміс медальдарының көптігінің арқасында Таиландтан озып тұр. Төртінші орынды дүйсенбіде екі алтын алған Өзбекстан құрамасы бекітті.