Қазақстанның үшінші ракеткасы Тимофей Скатов португалиялық Эшторилдегі ATP 250 топырақ кортындағы турнирдегі өнерін аяқтады, деп хабарлайды infohub.kz сайты.
Әлемдік рейтингте 163-ші орында тұрған спортшы негізгі торға «бақытты жеңілуші» ретінде іліккен. Екінші айналымда оның қарсыласы ресейлік Андрей Рублёв болды — әлемнің 14-ші ракеткасы және турнирдің бірінші нөмірлі ойыншысы.
Матч небәрі бір сағатқа созылып, Скатовтың ойсырай жеңілуімен аяқталды — 1:6, 1:6. Қазақстандық ойын барысында бір эйс жасады, төрт қос қате жіберді және екі брейк-пойнттың біреуін іске асырды.
Осылайша, Скатов Эшторилдегі жарыстан шығып қалды. Рублёв ширек финалда француз Люка ван Ашпен ойнайды.