Жапонияда өтіп жатқан Азия ойындарында Қазақстанның ерлер волейбол құрамасы сәтсіздіктер сериясын тоқтатты. Пәкістан мен Жапониядан жеңілген соң қазақстандық спортшылар Өзбекстан командасын 3:1 (13:25, 25:22, 25:22, 25:17) есебімен ұтты, деп хабарлайды infohub.kz сайты.
Медаль мүмкіндігінен мерзімінен бұрын айырылған көршілер А тобындағы үшінші орынды таластырды. Ойын тартысты әрі ымырасыз өтті. Бірінші партияны таза ұтылған Сергей Трикоз шәкірттері екінші партияда намысын қайрады. Ақыры өз күшінде ойнай бастаған қазақстандықтар қатарынан екі партияның шиеленісті соңын өз пайдасына шешті. Ал төртінші сетте қарсыласын тізе бүктірді.
Командаға 10 ұпайды шабуылшы Асылхан Ізбергенұлы әкелді, оның әріптесі Владислав Мастихиннің еншісінде 9 ұпай бар.
Қазақстан да, Өзбекстан да Азиаданы 9-16-орындар үшін матчтармен жалғастырады. Тобымыздың үздік командалары — Жапония мен Пәкістан медаль үшін күреседі.
АЗИЯ ОЙЫНДАРЫ-2026
Волейбол. Ерлер
А тобы
🏐 ПӘКІСТАН – ҚАЗАҚСТАН 3:1, ЖАПОНИЯ – ӨЗБЕКСТАН 3:0, ПӘКІСТАН – ӨЗБЕКСТАН 3:0, ЖАПОНИЯ – ҚАЗАҚСТАН 3:0, ҚАЗАҚСТАН – ӨЗБЕКСТАН 3:1
1. Жапония – 6, 2. Пәкістан – 6, 3. Қазақстан – 3, 4. Өзбекстан – 0
В тобы
🏐 ИРАН – ҚЫРҒЫЗСТАН 3:0, ТАИЛАНД – ИНДОНЕЗИЯ 3:2, ИНДОНЕЗИЯ – ҚЫРҒЫЗСТАН 3:0, ИРАН – ТАИЛАНД 3:0, ҚЫРҒЫЗСТАН – ТАИЛАНД 0:3
1. Иран – 6, 2. Таиланд – 5, 3. Индонезия – 4, 4. Қырғызстан – 0
С тобы
🏐 КАТАР – ГОНКОНГ 3:1, ҮНДІСТАН – ВЬЕТНАМ 3:0, ҮНДІСТАН – ГОНКОНГ 3:0, КАТАР – ВЬЕТНАМ 3:0, ГОНКОНГ – ВЬЕТНАМ 1:3
1. Үндістан – 6, 2. Катар – 6, 3. Вьетнам – 3, 4. Гонконг – 0
D тобы
🏐 ОҢТҮСТІК КОРЕЯ – ФИЛИППИН 3:0, ҚЫТАЙ – ҚЫТАЙ ТАЙБЭЙІ 3:2, ҚЫТАЙ – ФИЛИППИН 3:0, ОҢТҮСТІК КОРЕЯ – ҚЫТАЙ ТАЙБЭЙІ 3:1
1. Оңтүстік Корея – 6, 2. Қытай – 5, 3. Қытай Тайбэйі – 1, 4. Филиппин – 0
Ерлер арасындағы волейбол турнирі Азиадаларда 1958 жылдан бері өткізіліп келеді. Оны жиірек жапондықтар жеңіп алған. Қазақстан құрамасы жүлдегерлер қатарына ешқашан кірмеген.
XX Жазғы Азия ойындары ресми түрде 19 қыркүйекте ашылды және 4 қазанда аяқталады. 45 елдің спортшылары қатысатын жарыстарда 460 комплект награда сарапқа салынуда. Азиада-2026-да Қазақстан құрамасының құрамында 35 спорт түрінен 558 спортшы өнер көрсетуде.
Ойындардың бірінші күні қазақстандықтар төрт алтын медаль жеңіп алды. Ойындар чемпиондары атанғандар: велошабандоздар Рината Сұлтанова мен Алексей Луценко, сондай-ақ каратэшілер Жоламан Бигабыл мен Софья Берульцева. Құрама қоржынына бесінші алтынды ММА жекпе-жегінің шебері Еркінғали Бүркіталин қосты. Алтыншысын — аралас жекпе-жектегі командаласы Қадырбек Шынбаев. 23 қыркүйекте Луценко АИ-2026-ның екі дүркін чемпионы атанды. Сегізінші жоғары сынақтағы медальді 24 қыркүйекте ескекшілер Владислав Яковлев пен Иван Чернухин ерлер арасындағы жұптық есу жарысында жеңіп алды. Тоғызыншы алтын медальді біздің шпагашылар командасы иеленді.
Ойындардың тоғыз күнінен кейін Қазақстан бейресми медаль есебінде бесінші орында тұрды.