2026 жылдың тамызында Қазақстанда 166,5 мың көлік есепке қойылды. Тіркелген жеңіл көліктердің ішінде ең үлкен үлесті 20 жылдан бұрын шығарылған машиналар құрады, деп хабарлайды infohub.kz сайты.
Тамызда барлығы 105,8 мың жеңіл көлік есепке қойылды — бұл жалпы санының 87,5%-ы. Оның 46,6 мыңы (28%) 20 жылдан астам уақыт бұрын шығарылған. Салыстырсақ, жасы 3 жылға дейінгі машиналар 40,5 мыңды, яғни ай ішінде тіркелген көліктердің 24,3%-ын құрады.
Тағы 39,6 мың жеңіл көліктің (23,8%) жасы 10-20 жыл аралығында. Жасы 3-тен асқан, бірақ 7 жылдан аспайтын машиналар шамамен 13 мың (7,8%), ал 7-10 жас аралығындағылары 6 011 көлік (3,6%) болды.
Осылайша, жасы 10 жылдан асқан автомобильдер тамыздағы тіркеулердің 51,8%-ын қамтамасыз етті.
2026 жылдың 1 қыркүйегінде Қазақстанда барлығы 6,09 млн көлік тіркелген. Оның 5,1 млн-ы жеңіл көліктерге тиесілі.
Сонымен қатар тамыз статистикасы жаңа және ескі машиналар арасындағы айтарлықтай айырмашылықты көрсетеді: жасы 3 жылға дейінгі автомобильдер 40,5 мың болып есепке қойылса, 20 жылдан асқан машиналар одан 6,1 мыңға көп болды.
Ескі жеңіл көліктер ең көп тіркелген өңір — Алматы облысы, мұнда 6 254 машина есепке алынды. Одан кейін Жамбыл облысы — 4 643 және Түркістан облысы — 4 559.
Бұған дейін Курсив Авто Алматыда көлік жасына қарай емес, шығарындылар деңгейіне қарай бағаланатынын хабарлаған еді.