1-10 тамыз аралығында Ұлттық қауіпсіздік комитетінің шекара қызметі мемлекеттік шекара арқылы жанар-жағармай материалдарын заңсыз шығарудың 411 әрекетінің жолын кесті, деп хабарлайды infohub.kz сайты.
Аталған кезеңде барлығы 551 бұзушылық анықталды, оның ішінде халық тұтынатын тауарларды өткізуге байланысты 140 жағдай бар. Заңсыз тасымалданатын тауарлар мен жүктердің жалпы құны 1 млрд теңгеден асты.
«ҰҚК шекара қызметі өткізу пункттерінде құқыққа қарсы әрекеттерді анықтау және жолын кесу бойынша тұрақты жұмыс жүргізуде», — деп атап өтті ҰҚК баспасөз қызметінде.
Кінәлілер Қазақстанның қолданыстағы заңнамасына сәйкес жауапкершілікке тартылды. Шекара қызметі бұл бағыттағы жұмыс жалғасып жатқанын атап өтті.
Еске салайық, шілде айында республиканың кеден органдары жанар-жағармай материалдарын заңсыз шығарудың 392 әрекетінің жолын кескен болатын.
Бұған дейін Қазақстанда бензин бағасының өскені хабарланған. Сонымен қатар, Энергетика министрлігі елден бензин, дизель отыны және жекелеген мұнай өнімдерін шығаруға тыйым салуды тағы алты айға ұзарту туралы бұйрық жобасын дайындады.
Мұнай-газ секторы, энергетика және тариф саясаты саласындағы сарапшы Олжас Байділдинов Қазақстан ішкі мұнай өнімдері нарығына түсетін жүктеменің күшеюіне алдын ала дайындалуы қажет деп санайды.