Кенияда алғашқы құрбанның туысынан Эбола вирусы анықталды. Осылайша елде аурудың екінші жағдайы тіркелді, деп хабарлайды infohub.kz сайты.
5 қазанда қайтыс болған 40 жастағы кениялық ер адам астана Найробидегі ауруханаға жатқызылған соң көп ұзамай Эбола диагнозы қойылған еді. Оны әуежайда қарсы алып, ауруханаға туысы апарған. Ол Конго Демократиялық Республикасынан Уганда арқылы Кенияға ауруы байқалмай жеткен.
Денсаулық сақтау министрлігінің мәлімдеуінше, ол қайтыс болғаннан кейін оның 128 адаммен байланыста болғаны анықталды. Сейсенбіден бері солардың 113-і табылды. Оның 108-і Кенияда карантинде, қалған 15 адамды іздеу жалғасуда.
Биыл Конго Демократиялық Республикасында Эболадан 4 мыңнан астам адам қайтыс болды. Бұл — тарихтағы ең қауіпті екінші індет.
Эбола вирусы қан немесе құсық сияқты жұқтырған биологиялық сұйықтықтармен жанасу арқылы таралады.
Конго Демократиялық Республикасындағы мамырда басталған қазіргі індетті Эболаның Bundibugyo түрі қоздырды. Бұл — сирек кездесетін түр, оған бекітілген вакцина да, ем де жоқ, алайда клиникалық сынақтар жүргізілуде.