Американдық әнші Кэти Перри Firework әнінің Ақ үй жариялаған әскери соққылар туралы видеода қолданылуына рұқсат бермегенін мәлімдеді, деп хабарлайды infohub.kz.
Бұған дейін Ақ үйдің TikTok парақшасында болжам бойынша Ирандағы нысандарға соққылар көрсетілген бейнежазба жарияланған еді. Видео Firework әнімен сүйемелденіп, «Иран ескертілді» деген жазу болған.
Әнші X әлеуметтік желісінде өз әнін қолдануға келісім бермегенін жазды. «Мен Firework әнінің @WhiteHouse TikTok аккаунтындағы әскери соққылар бейнежазбасының музыкалық сүйемелі ретінде пайдаланылғанына қатты таң қалдым және ашуланып отырмын. Маған бұған рұқсат берілген жоқ, менен сұралмады, мен бұл қолданысты мүлдем қолдамаймын», — деп жазды Перри.
Әншінің айтуынша, бұл әнді ол ауыр өмір кезеңдерін бастан кешіретін адамдар үшін үміт, сауығу және ішкі күш символы ретінде жазған. «Өзін-өзі сыйлау мен қолдау идеясын қирату мен зорлық-зомбылықты сүйемелдеу үшін пайдалану — менің әнімнің білдіретінінің бәріне толық қайшы. Менің музыка адамдарды біріктіру үшін жазылған, соғысты дәріптеу үшін емес», — деп атап өтті Кэти Перри.