Корей Халық Демократиялық Республикасы мемлекет құрылғаннан бері алғаш рет өз туының пропорциясын өзгертті — тиісті түзетулер ел конституциясына енгізілді, деп хабарлайды infohub.kz сайты.
NUR.KZ агенттігі Yonhap-қа сілтеме жасап хабарлағандай, ту қабырғаларының арақатынасы 1948 жылдан бері алғаш рет өзгеріп отыр. Жаңа пропорция конституцияның 166-бабында бекітілді: енді ту матасының биіктігі мен енінің арақатынасы бұрынғы 1:2 емес, 1:1,65 болды.
Сонымен қатар ту дизайны бұрынғы қалпында қалды: ортасында кең қызыл жолақ, оның үсті мен астында жіңішке ақ жолақтар, ақ жолақтардың үсті мен астында көк жолақтар, сондай-ақ ақ шеңбер ішінде қызыл бесбұрышты жұлдыз бар.
Басылым дерегінше, өзгеріс КХДР көшбасшысы Ким Чен Ынның өзіндік басқару стилі мен ұлттық бірегейлік қалыптастыруға ұмтылысы аясында болды, бұл ретте ол өзінен бұрынғы басшылардың кейбір дәстүрлерін сақтап қалды.
Бұған дейін КХДР жаңартылған конституциясын жариялаған болатын, онда Оңтүстік Корея алғаш рет бөлек көрші мемлекет ретінде тікелей көрсетілді.