ҚР Еңбек және халықты әлеуметтік қорғау министрлігі медициналық-әлеуметтік сараптама жүргізудің жаңа қағидаларын бекітті. Енді пациент комада жатқан жағдайда, мүгедектік белгілеуге және күтім бойынша жәрдемақы тағайындауға өтінімді жақын туыстары немесе жұбайы бере алады, деп хабарлайды infohub.kz сайты.
Ведомство бұйрығына сәйкес, егер мүгедектігі бар адам коматоздық жағдайда болуына байланысты келісім бере алмаса, күтім жасайтын адамға жәрдемақы тағайындауға негіз жақын туысының немесе жұбайының өтініші болып табылады.
Мамандардың бетпе-бет куәландыруы үйде немесе стационарда жүргізіледі. Сонымен қатар, адам тасымалдауға жарамсыз болып, қызмет көрсетілетін аймақтан тыс жерде стационарлық ем алып жатқан жағдайда, куәландыру ДКК ұсынымы негізінде сырттай жүргізіледі.
Сырттай куәландыру кезінде № 031/у нысаны пациенттің орналасқан жері бойынша аймақтың медициналық ұйымымен ресімделеді.
Алайда, өтінішті жақын туысы немесе жұбайы берген жағдайда, мүгедектік бір жылдан аспайтын мерзімге белгіленеді.
Бұйрық 2026 жылғы 25 тамыздан бастап қолданысқа енеді.
Бұған дейін «Курсив» биылғы жылы Қазақстанда мүгедектік бойынша жәрдемақы мөлшері 10%-ға өскенін жазған болатын. Еске салайық, қазіргі уақытта елде мүгедектік бойынша төлем алушылардың саны 544 мыңнан асады. Сондай-ақ, барлық қаржыландыру көздерін ескере отырып, қазіргі уақытта жиынтық төлемдердің мөлшері де хабарланған болатын.