Швед композиторы Людвиг Йоранссон Кристофер Ноланның «Одиссея» фильмінің саундтрегін жазу кезінде дәстүрлі оркестрден бас тартып, ежелгі грек аспаптары мен қола гонгтарды қолданған. Бұл туралы infohub.kz хабарлады.
Үш мәрте «Оскар» сыйлығының иегері классикалық оркестрден толық бас тартып, қола дәуірінің атмосферасын жеткізуді көздеген. Variety басылымының жазуынша, қолданылған аспаптардың ішінде лира мен авлос — қос кларнетті еске түсіретін үрмелі аспап бар. Йоранссон авлосты «өз заманының рок-жұлдызы» деп атаған.
Музыканттар дыбысты тарихи үлгілер бойынша қайта жаңғыртқан, себебі аспаптардың түпнұсқа тростары сақталмаған. Сонымен қатар, жазбада алып қола гонгтар мен электронды синтезаторлар пайдаланылған. Фильмнің музыкалық безендірілуінің соңғы штрихы — финалдық титрларда ойналатын «When I'm Home» атты түпнұсқа ән. Оның авторлары — Ноланның өзі, Йоранссон, сондай-ақ музыканттар Джеймс Блейк пен Трэвис Скотт. Фильмнің IMAX экрандарындағы көрсетілімі 17 шілдеде өтті.