Қонаевта дау-дамай өршіп тұр. Қала тұрғыны әйел полицейлер мен аулау қызметі қызметкерлерін 19 мысығын өлтірді деп айыптады, деп хабарлайды infohub.kz.
Әйелдің айтуынша, ол полиция бөлімшесінде жүргенде, пәтерінде 19 мысықты өлтіріп тастаған. Тек екеуі ғана аман қалды, кейін оларды оның көз алдында алып кеткен.
Тұрғын әйел бұл шошырлық оқиғаны әлеуметтік желіде жариялаған. Жазғанына қарағанда, оқиға 14 шілдеде болған. Оның үйіне көршісінің жануарларды ұстауына қатысты шағымымен учаскелік инспектор келіпті. Сосын оның артынан аулау қызметінің қызметкерлері пәтерге кірген. Әйел ұсынған видеода бөлменің талқандалғаны, еден мен қабырғаларда қан іздері көрінеді.
Мысықтарды беруден әйел үзілді-кесілді бас тартқан. Содан кейін, оның жазғанындай, полицейлер оны күшпен ұстап, №1 учаскелік полиция бекетіне апарып, билік өкілдеріне қарсылық көрсеткені үшін хаттама толтырған.
«Автордың көрсетуінше, осы кезде пәтерде 17 жасар қыз қалыпты. Ол көрші бөлмеге қамалып, жануарлардың жабайы айқайын естіген, үйде жаппай аулау жүріп жатқан. Қазір әйел заңгерлер мен адвокаттар іздеп, қаржылай көмек сұрап отыр».
Пікірлерде адамдардың пікірлері екіге бөлінді. Кейбір пайдаланушылар пәтердің былығы мен антисанитариясын айтып, авторға сенімсіздік білдірді. Қалған бөлігі полицейлердің әрекетіне алаңдап, тұрғын үйге қол сұқпаушылық пен жануарларды өлтірген адамдардың қатыгездігін талқылады.
Редакция Алматы облысы полиция департаментіне жағдайды түсіндіру үшін жүгінді. Бірнеше сағаттан кейін жауап келмеді.