Павлодар облысында қос азаматтықтың 27 фактісі анықталды, заңбұзушылар жауапкершілікке тартылды, деп хабарлайды infohub.kz сайты.
Ағымдағы жылдың басынан бері өңірде Қазақстан Республикасының азаматтығын жоғалту 398 адамға қатысты тіркелді. Көші-қон заңнамасын әртүрлі бұзғаны үшін 40 азамат әкімшілік жауапкершілікке тартылды, оның 7-уі елден шығарылды, деді Павлодар облысы ПД көші-қон қызметі басқармасының бастығы Александр Кузьменко.
Мысалы, 1990 жылы туған әйел 2015 жылдан бері Ресей Федерациясының азаматы бола тұра, бұл туралы полиция органдарына хабарламаған. Тағы бір 1989 жылы туған әйел 2026 жылы Ресей азаматтығын алған, бірақ мемлекеттік шекараны Қазақстан паспортымен кесіп өткен.
Азаматтық туралы заңнаманы бұзғаны үшін әйелдер әкімшілік жауапкершілікке тартылды. Осы бап бойынша 100 АЕК мөлшерінде айыппұл немесе Қазақстаннан шығарып жіберу көзделген. Азаматтығын жоғалтқан адамдардың ҚР азаматының құжаттарын пайдаланғаны үшін 200 АЕК мөлшерінде айыппұл қарастырылған, деп түсіндірді көші-қон қызметінің басшысы.