Қазақстанның Сыртқы істер министрі Ермек Қошербаев АҚШ мемлекеттік хатшысы Марко Рубиомен телефон арқылы сөйлесті, деп хабарлады ҚР СІМ.
Тараптар кеңейтілген стратегиялық әріптестік аясындағы екіжақты күн тәртібінің өзекті мәселелерін талқылады. Сондай-ақ, олар Мемлекет басшысының G20 саммитіне қатысу үшін АҚШ-қа алдағы сапарына дайындық барысын да қарастырды. Бұл туралы ҚР СІМ мәлімдеді.
Еске сала кетейік, шілде айының басында Қазақстан Президенті Қасым-Жомарт Тоқаевтың G20 саммитіне қатысу үшін АҚШ-қа баратыны белгілі болды.
Сонымен қатар, Қошербаев пен Рубио Каспий құбыр консорциумының (КТК) жағдайын егжей-тегжейлі талқылады. СІМ әңгіме детальдарын жария етпеді.
Бұған дейін Каспий құбыр консорциумы КТК теңіз терминалына ұшқышсыз ұшу аппараттары шабуыл жасағанын хабарлаған еді. 23 шілдеде Қазақстан Энергетика министрлігі Қара теңіз акваториясында кемелер, экипаждар мен экология қауіпсіздігін қамтамасыз ету мақсатында КТК теңіз терминалында тиеу операцияларын тоқтатқанын мәлімдеді. 25 шілдеде консорциум жүк жөнелтушілерден мұнай қабылдауды және оны Новороссийск портындағы теңіз терминалы арқылы тиеу операцияларын қайта бастады.