АҚШ-тың Висконсин штатында мейн-кун тұқымды Эребус Аномали есімді мысық 29 саусақпен туылып, Гиннесс рекордтар кітабына ресми түрде енді, деп хабарлайды infohub.kz.
Кокона қаласындағы үй жануары саусақ саны бойынша бұрынғы әлемдік рекордты жаңартты. Бұған дейін бұл рекорд Канададағы Джейк есімді мысыққа тиесілі еді (28 саусақ, 2002 жыл). Қарапайым мысықтарда 18 саусақ болады: алдыңғы аяқтарында бестен, артқы аяқтарында төрттен.
Жануардың иелері Кендра Ванденблумер мен Хантер Нетт мысықтың наурыз айында дүниеге келгенін айтты. Мұндай ерекшеліктің себебі — полидактилия, яғни мейн-кундарда жиі кездесетін генетикалық мутация. Үй жануарының бір аяғында сегіз саусақ, ал қалғандарында жетіден саусақ өскен.
Эребустың бірегейлігін растау үшін иелері рентген сүреттерін ұсынуға мәжбүр болды. Рентген мысыққа пневмониядан кейін жасалған, оны ол сәтті емдеп шыққан.