Ресейлік композитор Игорь Крутой әлеуметтік желіде қазақстандық әнші, «Жаңа толқын-2025» байқауының жеңімпазы Alex Lim-мен түсірілген жаңа бейнені жариялады. Жазбада қазақстандық әнші маэстроның сүйемелдеуімен ән салып тұр, деп хабарлайды infohub.kz сайты.
«Саша үнемі екеуміз роялімнің сүйемелдеуімен менің әндерімнен тұтас альбом жасауымыз керектігін айтады, ал маған оркестрдің үні көбірек ұнайды... Ал менің қымбатты жазылушыларым қалай ойлайды?» — деп жолдады Крутой өз жанкүйерлеріне.
Композитордың жазылушылары бұл жазбаға белсенді үн қатты. «50-ге 50 ұсынамын, жартысы оркестрге, жартысы рояльге», — деп жазды бір қолданушы. Тағы бір пікір: «Сашаның идеясы тамаша, бұл керемет болар еді. Бұл туралы сізге ешқашан жазбағанмын, бірақ ішімде Димашпен осындай коллаборация жасауды армандадым. Саусақтарыңыздың экспромттары есіңізде ме? Ол сиқырлы еді». Сондай-ақ: «Екі талантты адам! Өмір сіздерді тегін біріктірмеген», — деген пікір айтылды. Тағы бір жазылушы әсерімен бөлісті: «Қандай әдемі. Павлодардағы концертте болдым, қатты ұнады, супер».