Тақырыбы: Күнбағыс панносы
Мақсаты: Оқушыларға «Күнбағыс» панносын жасауды үйрету. Танымдық қабілеттерін, қол икемін дамыту. Эстетикалық тәрбие беру.
Сабақтың типі: аралас сабақ
Әдісі: сұрақ - жауап, түсіндіру, көрнекілік
Көрнекілігі: дайын панно. Оқушыларға керекті құрал-жабдықтар: сары, жасыл, ашық жасыл және қара түсті тоқыма жібі, қатырма қағаз, ПВА желімі, қайшы, қарындаш.

Барысы:
I. Ұйымдастыру кезеңі. Сабаққа дайындық.
II. Мақсат қою кезеңі. Сабақтың тақырыбымен, мақсатымен таныстыру.
III. Жаңа материалды түсіндіру кезеңі. а) мұғалімнің түсіндірмесі.
Күнбағыс – ірі жапырақты, сары гүлді, дәні майлы өсімдік. Одан өсімдік майын, шекілдеуік алады. Күнбағысты көз алдымызға елестете отырып, өз бетімізше жасап көрейік. Сергіту сәті

IV. Жаңа материалды меңгергенін тексеру кезеңі.
1. Оқулықпен жұмыс. Іштей, тізбектей оқыту. 2. Сұрақ - жауап.
3. Практикалық жұмыс.
Жұмыстың орындалу реті:
1. Қатырма қағаздың дәл ортасына қарындашпен күнбағыстың суретін саламыз.
2. Күнбағыстың дәнін жасау үшін қатырма қағазға аздап желім жағып, қара түсті тоқыма жібін айналдыра отырып желімдейміз.
3. Тоқыма жіптің сары түсімен күнбағыстың гүл күлтелерін желімдейміз.
4. Күнбағыстың сабағын жасау үшін жасыл түсті үш тоқыма жіпті өріп алып, қатырма қағазға жапсырамыз.
5. Жапырақтарына ашық жасыл түсті тоқыма жібін таңдап, оны да желімдейміз.
Жұмыс барысында техника қауіпсіздігін сақтау.

V. Бекіту кезеңі. Қорытындылау. Бүгінгі сабақта не үйрендік? Күнбағыс қай жерлерде өседі? Одан қандай шикізаттар алынады?
VI. Бағалау. Оқушылардың еңбегін салыстыра отырып, бағалау.