«Барселона» футбол клубы мен Испания құрамасының шабуылшысы Ламин Ямаль жанкүйерлерге арналған сыйлықты талқылау кезінде Қазақстанды Әзірбайжанмен шатастырып алды, деп хабарлайды infohub.kz сайты.
Басылым дерегінше, испан футболшысы жанкүйерлерге сыйлық ойнатылатыны туралы айтқанда тілі мүдіріп кеткен. Кадрларда Ямаль жүргіншілерге құлаққап таратып жатқаны көрінеді. Сонымен қатар ол «алтын» билет дайындаған: оны ұтып алған адам Чемпиондар лигасының матчына екі билет пен футболшының қолтаңбасы қойылған бір жұп бутсы алады.
Ямальдан жеңімпаз қай матчқа бара алатынын сұрағанда, ол Қазақстанды атап өтті.
«Егер менің қолымнан келсе, оларға Қазақстандағы матчқа билет беріп, сол жаққа жіберер едім. Қазақстандағы матчқа барсын, Қазақстандағы матчқа барсын», — деді Ямаль.
«Барселонаның» күнтізбесі бойынша, футболшы Әзірбайжанға сапарды айтқан. Каталондықтардың Чемпиондар лигасындағы жақын арадағы сыртқы матчы 25 қарашаға жоспарланған: команда турнирдің жалпы кезеңінің бесінші туры аясында Бакудегі Олимпиада стадионында «Сабахпен» кездеседі.
Бұған дейін біз Ламин Ямальдың Копа Трофейін — 21 жасқа толмаған әлемнің үздік жас футболшысына берілетін жүлдені — қатарынан үшінші рет жеңіп алғанын жазған болатынбыз.