Ресейлік әнші, композитор әрі ақын Леонид Агутин қырғыз халқының дәстүрлі бас киімі — ақ қалпаққа өлең арнады. Оны сахнада сыйға тартқан, деп хабарлайды infohub.kz сайты.
58 жастағы әртіс ақ қалпақтың ақ сақалына жақсы үйлесетінін атап өтті. Ол Бішкек пен Ташкенттегі концерттеріне келген көрермендерге алғыс айтты.
«Бішкекте өнер көрсеттік, оның алдында Ташкентте болдық, одан бұрын да ойнадық — қайда екенін бірден еске түсіре алмаймын. Бірақ бүгін сахнада маған ақ сақалыма үйлесетін осы қалпақты сыйлады! Бішкек, Ташкент, рахмет! Сендер тамашасыңдар!» — деп келтіреді оның сөзін NUR.KZ.
Әншінің жанкүйерлері сыйлық пен өнер көрсетуге көптеген пікір жазып, әсерлерімен бөлісті. «Керемет концерт, Леонид! Концерттің минутына минута сай басталып, екі сағат бойы үзіліссіз өткенін бірінші рет көрдім. Таңғажайып болды. Жүрегімнің төрінен орын алды», — деп жазды көрермендердің бірі.
Басқалары әртіске музыкасы үшін алғыс айтты: «Керемет музыкаңыз үшін рахмет, бәрі тамаша болды», «Сізге біздің қырғыз қалпағымыз жарасады. Керемет концерт үшін үлкен рахмет!».
Әзіл-қалжың тілектер де айтылды: «Керемет жарасып тұр! Тағы сәл сақал қойып, шапан киіп, киіз үйдің ортасында қолына қымыз толы тостаған ұстап отырсаңыз! Тіпті әсерлі болар еді!». Жарияланымға атау берген пікірлердің бірінде: «Ақсақалдағы ақ қалпақ», — делінген.