Лерчек деген атпен танымал блогер Валерия Чекалина отбасымен бірге бейнеүндеу жазып, өзіне қатысты рақымшылық туралы жарлыққа пікір білдірді, деп хабарлайды infohub.kz сайты.
Ол бұл бейнені Instagram-да жариялап, қолдау көрсеткендердің бәріне алғыс айтты. 14 қарашада президент Владимир Путин Чекалинаны жазадан босатып, соттылығын алып тастау туралы рақымшылық жарлығына қол қойған болатын.
«Қолдауыңыз үшін сіздерге алғыс айтқымыз келеді. Бұл шынымен өмірдегі бақытты күн. Бұл жай ғана рақымшылық туралы қағаз емес. Президентімізге мейірімділігі үшін рақмет. Бұл қатерлі ісікті мүлдем жеңуге берілген мүмкіндік», — деді ол.
Сонымен қатар Чекалина әлеуметтік желіде Путинге жеке үндеу жасаған рилс жариялады. «Бүкіл отбасымның, өзімнің атымнан сізге мейірімділігіңіз үшін, маған рақымшылық бергеніңіз үшін алғыс айтқым келеді. Шын мәнінде бұл жай рақымшылық емес, мен үшін одан да көп нәрсені білдіреді. Бұл — өмір сүруге, ең жақын адамдарымның қасында болуға берілген мүмкіндік», — деді ол.