40 жастағы америкалық актриса, әнші, модель және киім дизайнері Линдси Лохан көпшілікті тағы да өзгерген келбетімен таңғалдырды. Жаңа бейнедегі суреттер оның Instagram парақшасында пайда болды, деп хабарлайды infohub.kz.
Жұлдыз мансабының басында оның айрықша белгісіне айналған қызыл шаш түсіне қайта оралды. Суреттерде Лохан ашық қызыл бұйра шашымен, жеңіл толқынды етіп қойған, көгілдір жеңіл халат киіп тұр.
Еске салайық, Лохан кино саласындағы жолын енді бастаған кезде ол экрандарда осындай шаш үлгісімен жиі көрінетін. Алайда кейін ұзақ уақыт аққұба болды.
Әлеуметтік желі қолданушылары әлемдік жұлдыздың жаңа бейнесін жоғары бағалады. Жарияланымның астында олар көптеген таңданыс білдіретін пікірлер қалдырды: «Керемет», «Поп-мәдениеттегі ең танымал қызыл шашты», «Қызыл шашта сен тамашасың», «Бұл сирек және әдемі», «Біз қызыл шашыңды сағындық», «Линдси қызыл шашқа оралуда», «Өте әдемі».
IMDb деректері бойынша, Линдси Лохан 1986 жылы 2 шілдеде Нью-Йоркте Дина Лохан мен Майкл Лоханның отбасында дүниеге келген. Ол мансабын үш жасында Ford агенттігінде модель болып бастады, сондай-ақ 60-тан астам теледидар жарнамаларына түсті.
10 жасында ол «Басқа әлем» телехикаясында Али Фаулердің рөлін ойнап, бұл рөлді орындаған үшінші актриса болды. 1998 жылы оның толықметражды киноға дебюті — «Ата-аналарға арналған тұзақ» фильмінде өтті.
2001 жылдың маусымында Лохан актерлік қызметтен қысқа үзіліс алды. Оның музыкалық мансабы бір жылдан астам уақыттан кейін, 2002 жылдың қыркүйегінде Estefan Enterprises компаниясы онымен бес альбом шығаруға келісім жасап, ол қайта жанданған Casablanca Records компаниясымен келісімшартқа отырғанда басталды.
Алайда дәл актерлік қызмет оған үлкен жетістік әкелді. 2000-жылдардың ортасында «Жаман қыздар» және «Құтырған жұма» фильмдері жарыққа шығып, Лоханды әлемдік жұлдызға айналдырды. Кейін танымал тұлға өзінің киім үлгісін шығарды.