InfoHub Logo

Жезқазған қаласындағы
№21 жалпы орта білім беретін мектебі КММ
Бастауыш сынып мұғалімі Ахметова Ақтоты Рахимберліқызы

«Логикалық математика» 1 сыныпқа арналған таңдаулы курстың бағдарламасы

Алғы сөз
Ұсынылып отырған бағдарлама «Математика» оқулығына енген тапсырмалардың мазмұнын терең ашып, оқушы ұғымына, логикалық ойлауына, санасына, түйсігіне сай талдап беруді көздейді. Сондықтан да әр тапсырма бойынша берілген қосымша жұмыстар оқушылардың өздігінен ойланып жұмыс істеуіне, олардың ауызша, жазбаша тілін дамытуға септігін тигізеді. Сондай - ақ сабақта оқушының оқуға деген ынта жігерін арттыру, тіл ұстарту мақсатымен көптеген жұмбақтар, жаңылтпаштар, бейне сөздер, сөз жұмбақтар қамтылды.
Оқушының ойлауы мен сөзін дамытудың ерекше маңызы бар. Сабақта жалпы сыныппен және жеке оқушының білімін есепке алып жұмыс істеу, олардың қабілетін ойлауға, дамытуға, алған білімдерінің терең болуына ықпал етеді.

Цифрларды атап айыра білуге, бөлік пен бүтіннің арақатынасын ұғынуға санды, жиынды құрайтын элементтердің түсіне, топтық санын салыстыруға, заттың орнын анықтай алуға, ой қорытуға ойландыруға жетелейді.
Математикада логикалық ойлауын кеңейту үшін қызығушылығын арта түсуіне әсер етеді.

Түсінік хат
Логикалық математика 1 сыныптар бойынша 1 сынып математика пәнінен таңдаулы курстың бағдарламасы болып табылады. Бағдарлама 4 бөлімнен және 34 сағатқа, аптасына 1 сағатқа арналып жасалған. Әр бөлім бір - бірімен байланыста: оқу – салыстыру - қолдану.
Қоғамда болып жатқан әлеуметтік өзгерістерге сәйкес білім беру мақсаты мен міндеті оқушыларды әлемдік даму деңгейіне сәйкес келетін белгілі бір біліммен қарулануды және ұлттық сана - сезімін тәрбиелеуді көздейді.
Мемлекеттік стандарттағы білімнің міндеті деңгейінен мүмкін деңгейіне жеткізетін – білім сапасы болып табылады.
Ұсынылып отырған «Логикалық математика» арнайы курсы: оқушының білім сапасын көтеруді, математика пәніне сүйіспеншілігін арттыруды, халықтық есептеулер негізінде шығармашылықпен жұмыс істеуді жер материалдарын іздеуді және оларды түрлі есептеулерге қолдана білуді мақсат етеді.

Жұмыс барысында: оқушылар логикалық ойлауға, күрделі жауап беруге, шешендік сөздерге баулуға, зерделікке, қиялдауға, тапқырлыққа, байқампаздыққа, қатаң дәлелдерге сүйене білуге, ойын тұжырымдап айтуға баулу міндеттерін жүзеге асырады. Қазақ халқының математикалық астарлы түрліше, олар: жұмбақ, өлең, қара сөз, мақалдап сөйлеу, ұсақ заттармен өнер көрсету, сиқырлы ой айту, тұрмыс заттарын жасау түрінде кездеседі. Арнайы курстағы жұмыс түрлері: қызықты есептер, әзіл есептер, жұмбақ есептер, математикалық жаңылтпаштар, халық өлшемдері, көңілді санаулар, ойын есептері болып келеді. Бұл жұмыстар оқушы ойын, тілін ұзартады. Халық тілін білуге, меңгеруге, халық қазынасына құрметпен қарауға баулиды, елін, Отанын сүюге тәрбиелейді. Арнайы курс оқушылардың алған білімдері мен дағдыларын негізге ала отырып ұйымдастырылады. Ана тілі, бейнелеу өнері, еңбекке баулу, дүниетану, шешендік сөздер қазақ тілі, музыка, ұлттық дүниетаным сияқты пәндер арасындағы байланысты жүзеге асырады.

Күнтізбелік жоспар
№ Сабақтың тақырыбы
І бөлім «Заттар»
1 Заттар тобы
2 Заттардың қайда орналасқанын табу
3 Салыстыра аласың ба?
4 Артық затты тап
5 Сиқырлы сызықтар
6 Дұрыс жолды тап
7 Жұпты зат
8 Айырмашылығын тап
9 Артығын тап. Оны боя
10 Фигуралар сыры
11 Геометриялық фигуралармен сурет салып көр
12 Жарты фигура жалғасы
13 Қардың қалған бөлігін сал
14 Қайсысын таңдасам екен
15 Осы фигурадан үй құрастыр
16 Фигуралық тізбектер

ІІ бөлім «Сандар»
17 Сандар қатары
18 Сандардың арасын өсу ретімен қос
19 Нақты санау
20 Сандардың арасын кему ретімен қос
21 Суретші цифрлар
22 Суретте нелер бейнеленген
23 Құрлысшы сандар
24 Құрлысты аяқта

ІІІ бөлім «Күрделі сандар»
25 Жалғастыр. Өрнек құрастыр

26 Қызықты тапсырмалар
27 Мәндерін тауып сәйкес түстермен боя
28 Көңілді есептер
29 Салыстыр
ІҮ бөлім «Логикалық есептер»
30 Суретке байланысты есепті құрастыр
31 Арифметикалық домино
32 Сәйкестендір
33 Арифметикалық домино

Толық нұсқасын жүктеу