Оңтүстік Кореяның Lotte Group компаниясы Алматыда өз брендімен алғашқы қонақүйін салады және Alatau City құрылысына қатысады. Сонымен қатар компания Қазақстанның тамақ өнеркәсібі мен логистикасындағы қатысуын сақтап қалмақ. Бұл мәселелер Президент Қасым-Жомарт Тоқаевтың Lotte Group төрағасы Дон Бин Шинмен кездесуінде талқыланды. Бұл туралы Ақорданың баспасөз қызметі хабарлады, деп жазады infohub.kz.
Қасым-Жомарт Тоқаев Lotte компаниясы Қазақстанның ескі серіктестерінің бірі екенін және екі ел арасындағы экономикалық ынтымақтастықты дамытуға үлес қосып жатқанын атап өтті.
Мемлекет басшысы компанияның тамақ өнеркәсібіндегі жұмысына жеке тоқталды. Lotte «Рахат» брендін дамытып, Алматы мен Шымкенттегі өндіріс алаңдарын жаңғыртуда.
Сонымен қатар кездесуде көлік-логистикалық инфрақұрылымды дамыту мәселесі қаралды. Lotte Global Logistics аймақтық және халықаралық нарықтарға шығу мүмкіндігін кеңейтуді қарастыруда.
Алматыда Lotte брендімен алғашқы қонақүй ашылады. Кездесу қорытындысы бойынша Hotel Lotte Co. Ltd және Sensata Invest Алматы мен Alatau City-де Lotte қонақүйлерін салу туралы өзара түсіністік туралы меморандумдарға қол қойды.
Дон Бин Шин сондай-ақ Lotte компаниясының Alatau City даму жобаларына қатысатынын мәлімдеді. Олардың қатарында Iconic Complex салу да бар.
Бұған дейін Алатау қаласын жобалау мен салуға белсенді қатысып жүрген Caspian Group 2025 жылы 445,6 млн теңге шығынға ұшырағаны хабарланған болатын.