Беларусь Президенті Александр Лукашенко «ШОС+» саммитінде ұйымды қазіргі БҰҰ-ға айналдырмауға шақырды, деп хабарлайды infohub.kz сайты.
Александр Лукашенко Еуразия кеңістігінде түрлі тақырыптар бойынша консенсус қалыптастыра отырып, ШОС толыққанды жаһандық диалогты қалпына келтіруге берік негіз қалайтынын атап өтті. Ол «ШОС+» форматының алдында өткен ШОС-қа мүше мемлекеттер басшылары кеңесінің отырысында әлемдегі маңызды іс-шаралар Шанхай ынтымақтастық ұйымынсыз өтпеуі керек деп көп айтылғанына назар аударды.
«Біз мұның бәрін түсінеміз, бізде қандай да бір "рух" бар деп айтамыз және т.б. Бірақ бұл аз. Адамдар бізден көпполярлық бағытта нақты әрекеттер күтеді. Уақыт өтіп жатыр. Егер біз уақытты жоғалтсақ, онда біз Біріккен Ұлттар Ұйымына оның қазіргі түрінде айналуымыз мүмкін», — деді Александр Лукашенко.
Бұған дейін Президент Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің отырысына қатысқан болатын. Оның не айтқанын мына сілтемеден білуге болады.