Қазақстандық спортшы Мариан Журавлева Азия ойындарының үш дүркін жүлдегері атанды. Жапония қабылдап отырған 2026 жылғы Азия ойындарында ол джиу-джитсудан Қазақстан құрамасына тағы бір медаль сыйлады, деп хабарлайды infohub.kz сайты.
38 жастағы спортшы 63 келіге дейінгі салмақ дәрежесінде сынға түсті. Ширек финалда жеңіліс тапқан соң ол жұбаныш раундына түсіп, медаль үшін белдесуге дейін жетті. Қола жүлде үшін кездесуде Журавлева иорданиялық Майя Ишакатты 2:0 есебімен жеңді.
Қазақстандық спортшы Азиадада джиу-джитсудан қатарынан екінші рет тұғырға көтерілді. Ханчжоу-2022 ойындарында да ол қола жүлде алған, бірақ ол кезде Урдабаева тегімен өнер көрсеткен. Ал Инчхон-2014 ойындарында спортшы дзюдодан (63 келіге дейін) дәл осындай медаль жеңіп алған.
Осы салмақ дәрежесінде өнер көрсеткен тағы бір қазақстандық Ажар Салыкова 1/8 финалда аяқ алып, алғашқы белдесуде-ақ жеңіліс тапты.
Осылайша, ұлттық құрама джиу-джитсудан соңғы жарыс күнінде екі медальмен ерекшеленді. Бұған дейін Мерей Қабдуллаев (85 келіге дейін) күміс жүлдегер атанған болатын.