Музтау (Белуха) тауының етегіне жетпек болған қазақстандықтар батпақпен жүруге мәжбүр. Катон-Қарағай ұлттық паркі Ресей Федерациясымен мемлекеттік шекараға жақындығына байланысты ыңғайлырақ маршрут салуды жоспарлап отырған жоқ, деп хабарлайды infohub.kz сайты.
Ұлттық парк «Курсивке» түсіндіргендей, оның аумағында барлығы 14 туристік маршрут бар. Ал «Ақ Берел» соқпағы Музтау етегіне апаратын ең қысқа жол болып қала береді.
Алайда тауға барар жолдың бір бөлігі Ресей аумағымен өтетіндіктен, туристер қазақстандық жақта батпақты әрі жүруге қиын жермен айналма жол жүруге мәжбүр. Дәл осы аумақтың шекаралық мәртебесіне байланысты ұлттық парк жаңа маршрут салуды жоспарламайды.
«Язевое көлінен Сәрсембай шатқалына дейінгі аралықта балама маршрут жасау нұсқалары ұлттық парк тарапынан қарастырылмайды. Бұл жер бедерінің жүруге қиындығымен және маршруттың қасынан өтетін Ресей Федерациясымен мемлекеттік шекараның жақындығымен байланысты», — деді ведомствода.
Бұған дейін «Курсив» Алтайдағы қазақстан-ресей шекарасын белгілеу жұмыстарын 2026 жылдың соңына дейін толық аяқтауды жоспарлап отырғанын жазған. Қазақстан Республикасының Ұлттық қауіпсіздік комитеті Музтау тауының басындағы демаркацияның қорытынды кезеңі танымал туристік маршрутқа кіруді бөгемейтініне сендірді.