АҚШ-тың Аэронавтика және ғарыш кеңістігін зерттеу жөніндегі ұлттық басқармасы (NASA) «Артемида IV» миссиясына дайындық жұмыстарын жеделдетуде. Бұл миссия аясында астронавттарды 2028 жылы Айға қондыру жоспарланып отыр, деп хабарлайды infohub.kz сайты.
Толық мәлімет американдық ғарыш агенттігінің баспасөз конференциясында жарияланды. NASA басшысы Джаред Айзекман және басқа да басқарушылар «Артемида IV» миссиясын дайындау мерзімін сақтау үшін жұмысты жеделдету және техникалық талаптарды оңтайландыру жоспарын ұсынды.
Сөз сөйлеу барысында Айзекман АҚШ астронавттарды қауіпсіз қондыру үшін қажетті шараларды қолданып жатқанын атап өтті. Оның айтуынша, экипаж келгенге дейін онда айжүргіш пен адамдардың ұзақ уақыт болуына арналған базалық модульдер орналасады.
Өз кезегінде «Артемида» бағдарламасының жетекшісі Джереми Парсонс айға қонатын модульдерді жасаумен бір мезгілде екі жекеменшік компания — Илон Масктың SpaceX және Джефф Безостың Blue Origin компаниялары айналысып жатқанын мәлімдеді. Оның айтуынша, агенттік экипажды Ай бетіне жеткізетін компанияны мүмкіндігінше кеш таңдауға тырысады, өйткені SpaceX те, Blue Origin да белгіленген мерзімде қондыруға дайындалып жатыр.
Астронавттар соңғы рет Айға 1972 жылдың желтоқсанында «Аполлон-17» миссиясы аясында қонған болатын. Экипаж бетінде үш күннен астам уақыт болып, ай топырағының үлгілерін жинап, ғылыми эксперименттер жүргізді. Содан бері адамдар Ай бетіне қайта аяқ баспады.
Еске салайық, 1 сәуірде «Артемида II» ай миссиясы аясында «Орион» ғарыш кемесі ұшырылды. Айға төрт астронавт бар борт аттанды. Бұл 1972 жылдың желтоқсанынан бергі Айға алғашқы пилоттық ұшу және жарты ғасырдан астам уақыт ішінде төменгі жер маңы орбитасынан тысқары алғашқы ұшу болды. Олар Жерге 11 сәуірде оралды.
Осыдан кейін NASA 2027 жылға жоспарланған «Артемида III» миссиясы экипажының құрамына кірген астронавттардың есімдерін жариялады. Олар жер маңы орбитасында бірқатар күрделі сынақтардан өтеді, бұл «Артемида IV» миссиясы үшін шешуші маңызға ие.