Непалда Қытаймен шекарадағы көшкіннен туындаған ірі су тасқыны болды. Табиғи апат салдарынан жүздеген адам хабарсыз кетті, деп хабарлайды infohub.kz сайты.
РИА Новостидің хабарлауынша, таңертең таулы аймақта қатты су ағыны Бхоте-Коши өзеніне құйылды. Стихия Расува округінің бірнеше ауданына елеулі зиян келтірді. Билік төменгі ағыстағы елді мекендерде жоғары дайындық режимін енгізді. Непалдық БАҚ деректеріне сәйкес, су Қытай тарапынан келген.
Непалдың туризм басқармасы су тасқынынан кейін 380-нен астам туристің хабарсыз кеткенін хабарлады. Туристік компаниялардан алынған алдын ала мәліметтер бойынша, зардап шеккен аудандарда 384 адам табылмады, оның ішінде 291 шетел азаматы және 93 непалдық бар.
Непалдың сыртқы істер министрі Шишир Кханал ірі су тасқынының себебі жер сілкінісі және одан кейінгі көшкін болғанын мәлімдеді. Оның айтуынша, жер сілкінісі жергілікті уақыт бойынша таңғы 08:37-де, яғни Астана уақытымен 07:52-де болған. Жер асты дүмпулерінен ірі көшкін жүріп, өзенді бөгеп, су тасқынын тудырған.
Үкімет құтқару жұмыстарын бастап, залал туралы толық деректерді жинауда. Оқиғаның мән-жайы көрші елдермен бірлесіп нақтылануда.