Нигерияның мұнай өндіретін Риверс штатында мұнай тиеу кемесінен мұнай ұрлау әрекеті кемінде 37 адамның өліміне себеп болды. Құрбандардың көбі улы газды жұтып қойған. Бұл туралы «Жастар және қоршаған ортаны қорғау орталығы» атты қоғамдық ұйым жұма күні хабарлады, деп хабарлайды infohub.kz сайты.
Ұйымның мәліметінше, бейсенбі күні құрбандар бір мезгілде «заңсыз құбырдан» өз қайықтарына шикі мұнай құйып алуға тырысқан. Бұл олардың жоғары қысымдағы улы газды жұтуына әкелді. Еріктілер желісіне сілтеме жасаған есепте көптеген адам әлі де хабарсыз кеткені айтылады.
Нигерия полициясы жұма күні оқиғаны растады, бірақ қаза тапқандар санын атамады және тергеу жүріп жатқанын мәлімдеді. «Риверс штатының полиция басқармасы қаза болғандарды растайды. Құрбандар шикі мұнайды ұрламақ болған», — деді Риверс штаты полициясының өкілі Блессинг Агабе.
Мұнай ұрлығы — Африкадағы ең ірі мұнай өндіруші Нигерияның Нигер аймағында жиі кездесетін құбылыс. Ондаған жылдар бойы жүргізілген мұнай барлау жұмыстары халықтың кедейлігі мен экологиялық деградацияға әкелді.
Нигерия үкіметі мұнай ұрлығы жыл сайын бірнеше миллиард доллар шығын келтіретінін айтып, бұл әрекетке қарсы күресті күшейтіп жатыр.