Интернетте Махамбет Өтемісов атындағы Батыс Қазақстан мемлекеттік университетінің ректоры Нұрлан Серғалиевтің ұсталғаны туралы ақпарат пайда болды. Бұл туралы Қазақстан Ғылым және жоғары білім министрлігі мен ҰҚК түсіндірді, деп хабарлайды NUR.KZ.
ҚР Ғылым және жоғары білім министрлігі Жоғары және жоғары оқу орнынан кейінгі білім комитеті 2026 жылдың 21 шілдесінде «Махамбет Өтемісов атындағы Батыс Қазақстан университеті» КЕАҚ басқарма төрағасы – ректоры Нұрлан Серғалиевтің БҚО бойынша ҰҚК департаментінің қызметкерлерімен ұсталғанын растады. Ведомство тергеу мәселелері құқық қорғау органдарының құзыретіне жататынын, ал университет көмек көрсетіп жатқанын атап өтті. Министрдің 2026 жылдың 23 шілдесіндегі бұйрығымен академиялық мәселелер жөніндегі проректор Гүлжаһан Қайсағалиева ректор міндетін атқарушы болып тағайындалды.
ҰҚК журналистердің сауалына сотқа дейінгі тергеу жүргізіліп жатқанын және Қылмыстық іс жүргізу кодексінің 201-бабы 1-бөлігіне сәйкес өзге ақпарат жарияланбайтынын хабарлады.