Блогер әрі модель Оксана Самойлова рэпер Джиганмен ажырасқан соң тап болған қиындықтарын ашық айтты, деп хабарлайды infohub.kz сайты.
Самойлованың айтуынша, оның «нөмірін таратып жіберген», ал WhatsApp-ы бұзылған. Ол қатты психологиялық қысым көріп жүргенін, кейде қолынан ештеңе келмейтінін мәлімдеді.
«Апта бойы мені барлық әлеуметтік желіде бұзуға тырысты. Мені бұзатын шығар», — деп мойындады ол.
Барлығына төтеп беруге оған төрт баланың анасы екенін және әлсіз болуға құқығы жоқ екенін түсіну ғана көмектеседі.
«Күн сайын мен бәрін жеңіп жүргендей кейіп танытуға мәжбүрмін. Ал шын мәнінде жеңіп жүргенім жоқ, мен бір шегінде тұрмын. Күн сайын сені одан сайын құлататын бірдеңе болады. Жұмыс пен міндеттемелер — тірек табатын жалғыз нәрсе. Әзірге мені сол құтқарып жүр», — деп жазды ол.
Оксана өмірінде ешкімге зиян келтірмегенін айтып, өзіне қарай бағытталған қысымды тоқтатуды сұрады.
Еске салайық, биыл көктемде Джиган мен Оксана Самойлова 13 жыл некеден кейін ажырасқан. Ал жақында рэпер Джиган өз үйінде адамдарды кепілге алып, оқ атқаны белгілі болды. Алайда оның адвокаты Сергей Жорин оқ ату және кепілге алу айыптарын жалған деп мәлімдеді. Оксана Самойлова Джиганды ата-аналық құқығынан шектеуді талап етіп, сотқа талап арыз берді. Модель Джиганмен ажырасқан соңғы өмірі туралы айтты.