Көкшетаулық «Окжетпес» футбол клубы Қазақстан Премьер-Лигасының 18-туры аясында Талдықорғанның «Жетісу» командасын 2:0 есебімен жеңді, деп хабарлайды infohub.kz.
Кездесу Көкшетаудағы «Окжетпес» стадионында өтіп, алаң иелерінің жеңісімен аяқталды. Есеп бірінші таймның 22-минутында ашылды: беларусьтік жартылай қорғаушы Дмитрий Бородин пенальтиді дәл орындады. Екінші таймның қосымша уақытында алаңға шыққан қазақстандық шабуылшы Тоқтар Жанғылышбай «Окжетпестің» басымдығын еселеді. Бұл гол қонақтардың саны аз болған кезде соғылды: 75-минутта сербиялық жартылай қорғаушы Марко Живанович екінші сары қағазды алып, алаңнан қуылды.
Бұл жеңіс көкшетаулықтарға 30 ұпай жинап, ҚПЛ турнир кестесінде үшінші орынға көтерілуге мүмкіндік берді. «Жетісу» 18 ұпаймен 11-орында қалып отыр.