Marvel суперқаһарман франшизасының жаңа бөлімі кинематограф тарихындағы алғашқы демалыс күндеріндегі жиналым бойынша екінші нәтиже көрсетті. Режиссер Дестин Дэниэл Креттонның фильмі үш күн ішінде 1 млрд долларға жуық жинады, деп хабарлайды infohub.kz.
Sony Pictures және Marvel студияларының «Өрмекші-адам: Мүлдем жаңа күн» суперқаһарман экшені әлемдік кинематограф тарихындағы ең сәтті старттардың бірін көрсетті. Алғашқы демалыс күндерінде фильм бүкіл әлем бойынша 927 млн доллар жинап, тек «Мстители: Финал» блокбастерінен ғана қалып қойды. Солтүстік Америкадағы прокатта фильм 355 млн доллар жинаса, халықаралық жиналым 572 млн долларды құрады, оның 121 млн доллары Қытай нарығынан түсті.
Сонымен қатар, картина алдын ала көрсетілімдерде 72 млн доллар жинап, абсолютті рекорд орнатты, ал бірінші күнгі жиналым 168 млн долларға жетті. Бас рөлді төртінші рет Том Холланд сомдады, ал актерлік құрамға Зендея, Джейкоб Баталон, Марк Руффало, Джон Бернтал және Сэди Синк енді. Жобаның режиссері — Дестин Дэниэл Креттон.
Сюжет бойынша Питер Паркер әлем оның тұлғасын ұмытқаннан кейін көше қаһарманының өміріне бейімделуге тырысады. Сыншылар мен көрермендердің жоғары бағасы аналитиктерге фильмнің 2 млрд доллардан асатынын болжауға негіз береді.