Дүниетану 2 - сынып
Сабақтың тақырыбы: Өсімдік — тірі ағза.
Сабақтың мақсаты:
Өсімдік туралы білімдерін кеңейту. Өсімдік топтарын, мүшелерін ажырата білуге үйрету.
Оқушылардың өз ойларын жүйелі түрде баяндау, түсініп оқу, ойлау, есте сақтау қабілеттерін дамыту
Өсімдіктердің пайдасын біліп, оларды өсіруге, күтіп баптауға, қорғауға тәрбиелеу
Сабақтың түрі: Аралас сабақ
Сабақтың әдісі: Түсіндіру, сұрақ - жауап, баяндау, іздену, дәлелдеу, салыстыру.
Сабақтың көрнекілігі: Интерактивті тақта, слайдтар, бейнебаян, сызбалар.

Сабақтың барысы. I. Ұйымдастыру кезеңі
Психологиялық дайындық.
Күндей жадырап,
Гүлдей жайнап,
Жұлдыздай жарқырап,
Судай мөлдір таза көңілмен
Бүгінгі сабақты бастаймыз!

II. Өткенді қайталау
Тірек сызба арқылы өткенді қайталау, дәлелдеу
Ауаның қасиетін ата, дәлелде.
Ауа таза болу үшін не істеуге болады?
Судың қасиетін ата, дәлелде.
Судың үш түрлі күйін ата.
Топырақ деген не? Оның маңызы қандай?
Топырақтың құрамын ата.
Қандай топырақта өсімдіктер жақсы өседі?
Сергіту сәті.
Су астындағы жануарлар биі

ІІІ. Жаңа мағына.
Қызығушылықты ояту. Табиғат туралы бейнебаян көрсету
Бейнебаян бойынша сұрақтар.
2) Жұмбақтар шешу:
1. Тіккен тікен тікте емес. Қысы - жазы бір түсте. (шырша)
2. Ағайынды бәрі. Шықса жасыл. Түссе сары. (жапырақ)
3. Жезге ұқсас сабағы. Дәні - халық тамағы. (бидай)

- Осы жұмбақтардың шешуін қандай топқа топтауға болады?
- Өсімдік.

Өсімдік топтарын интерактивті тақтадан көрсету
Өсімдіктердің тұқымнан өсіп - өнуін сызба арқылы көрсету

3) Оқулықпен жұмыс: Тақырыпты түсініп оқу.
Интерактивті тақтадан өсімдіктердің мүшелерін көрсету, көріп көз жеткізу.
4) Өсімдік тіршілігі үшін не қажет? «Адасқан әріптер» арқылы табу.(уаа, ус, коерқ, ужлы)
Дәптермен жұмыс.
Өсімдікке ауа, су, қорек, жылу қажет. Өсімдік - тірі ағза.

ІV. Қорытынды
1. Білімді бекіту
Тест
1. Өсімдіктер неше топқа бөлінеді?
А) 2 В) 3 С) 4
2. Ағаштар тобына жататын өсімдікті белгіле.
А) Терек В) Түймедағы. Д) Селеу.
3. Бұта тобына жататын өсімдікті белгіле.
А) Итмұрын В) Қайың С) Бақбақ
4. Бұталардың ағашқа қарағанда қандай мүшесі жоқ?
А) Гүлі В) Жапырағы С) Діңі.
5. Өсімдіктер қандай табиғатқа жатады?
А) Өлі табиғат В) Тірі табиғат С) Табиғатқа жатпайды.

2. Шығармашылық тапсырма. Табиғат туралы өлең құрастыру
3. Бағалау
4. Үйге тапсырма
Мәтінді оқып, әңгімелеу.