От пен жарық туралы жұмбақтар
Жүрген жерін жалмайды.
Тастан басқа қалмайды.
(От)

Жердің әрін жейді,
Жолда кезіккеннің,
Аямай бәрін жейді.
Бұл қандай алпауыт?
Айта ғой, дәл тауып?
(Өрт)

Қимылы оңдырмас,
Кішкене қоңырбас.
(Сіріңке)

Өңеші кең,
Дәу аузымен жұтады.
Төбесі дөң,
Кіші аузымен құртады.
(Пеш)

Салып ем шыны сарайды,
Тілінен жарық тарайды.
(Шам)

Шудалары желпеңдеп,
Үйден шығып жатады,
Көкке өрлейді көлбеңдеп,
Бұлт болып батады.
(Түтін)
Әртүрлі жұмбақтар қарау