Ozon маркетплейсінің Ресейдегі Самара облысындағы логистикалық кешеніне БПЛА шабуылынан кейін қазақстандық сатып алушылардың тапсырыстары жойылуы мүмкін. Бұл зардап шеккен қойма арқылы жіберілген тапсырыстарға қатысты. «Комсомольская правда» Ozon баспасөз қызметіне сілтеме жасап, мұндай жөнелтімдердің жойылатынын, ақшаның сатып алушыларға қайтарылатынын хабарлады... деп хабарлайды infohub.kz.
Жеке кабинетте тапсырыс жойылған мәртебеге ие болса, оны қайта ресімдеуге болады. Белсенді күйде қалған тапсырыстарды маркетплейс басқа қоймалардан жеткізуді жоспарлап отыр.
«Егер клиент жеке кабинетінде тапсырысының жойылғанын көрсе, оны бірден қайта ресімдей алады. Егер тапсырыс жойылмаса, біз бұл тауарларды басқа қоймалардан жеткіземіз», — деп хабарлады Ozon баспасөз қызметі.
Зардап шеккен қоймадағы тауарлар уақытша маркетплейс витринасынан жасырылды. Сонымен қатар, Ozon қауіпсіздік мақсатында сатушылардың осы логистикалық орталыққа жеткізуін тоқтатты. Селлерлерге басқа қоймаларды таңдау ұсынылды, ал жеткізу бағыттары компанияның басқа нысандары арасында қайта бөлінеді.
Бұған дейін «Курсив» Ozon-ның Самара облысындағы логистикалық кешені 22 тамызға қараған түні БПЛА-ның жаппай шабуылынан зардап шеккенін жазған болатын. Қойма аумағына соққыдан кейін өрт шығып, 500-ден астам қызметкер бірнеше минут ішінде эвакуацияланды, зардап шеккендер туралы хабарланды.
Компания қызметкерлерге және олардың отбасыларына көмек көрсететінін мәлімдеді. Олар үшін жедел желі іске қосылып, психологтар да қолдау көрсетуге тартылды.
Зақымдалған қойманың жұмысы белгісіз мерзімге тоқтатылды. Ozon шығын көлемін кейінірек бағалауды жоспарлап отыр.
Сонымен қатар, 23 тамызда БПЛА Орынбор облысындағы Ozon логистикалық орталығына шабуыл жасады. Ақпаратқа сәйкес, ол жерден 300-ге жуық адам эвакуацияланды, алдын ала зардап шеккендер жоқ.