Америкалық рэпер Шон Комбс, яғни P. Diddy лақап атымен танымал әнші, Форт-Дикс федералдық түрмесіндегі төбелес кезінде басынан жарақат алған болуы мүмкін. Оны сол жерден жедел жәрдем көлігімен алып кеткен, деп хабарлайды infohub.kz сайты.
NUR.KZ-тің РИА Новостиге сілтеме жасап хабарлауынша, агенттік TMZ таблоид басылымының шағын материалының аудармасын келтірген. Онда музыкант ямайкалық наркобарон Кристофер Коукпен болған жанжал барысында зардап шеккені айтылады.
Хабарламада жазылғандай, төбелес рэпердің артықшылықты жағдайда ұсталып жатқаны туралы жарияланымдардан кейін тұтқындардың тексерулер мен телефондарды тәркілеуге наразылығынан туындаған.
Бұған дейін Нью-Джерси штатындағы FCI Fort Dix федералдық түрмесінде жазасын өтеп жатқан Комбсты сенбі күні, 10 қазанда, таңертең ерте жедел жәрдем көлігімен алып кеткені хабарланған.
Кейінірек жағдайға қанық дереккөз P. Diddy-дің ауруханаға түскені туралы ақпаратты растады.
Әңгімелесушінің айтуынша, Комбс басынан жарақат алған — ол өмірге қауіп төндірмейді. Сол күні рэперді түзеу мекемесіне қайтарып, жалғыз камераға қамағаны да мәлім болды.