Пәкістан астанасындағы ірі мемлекеттік аурухананың жаңа туған нәрестелер бөлімшесінде таңертең өрт шығып, 14 сәби қаза тапты. Бұл туралы аурухана әкімшілігі мен үкімет хабарлады. Пәкістан медицина ғылымдары институтының нәрестелер бөлімшесінде өрт кезінде кемінде 15 сәби болған. Олардың біреуі ғана аман қалды.
Құтқарушылардың мәліметінше, өрт таңғы 6:45 шамасында басталған. Болжам бойынша, аурухананың гинекология бөлімшесіндегі нәрестелер палатасында ауа баптағыш құрылғының компрессоры жарылып, өрт тұтанған. Өрт сөндірушілер оқиға орнына тез жетіп, жалынды ауыздықтады. Құтқару топтары ғимаратты салқындату жұмыстарын жүргізіп жатыр, деп хабарлайды жергілікті БАҚ.
Аурухана өкілі түсініктеме сұраған қоңырауларға дереу жауап бермеді. Премьер-министр Шехбаз Шариф қаза болғандарға көңіл айтып, оқиға бойынша дереу тергеу бастауды тапсырды. Оның кеңсесі таратқан мәлімдемеде 14 сәбидің қаза тапқаны расталды. «Балаларға қатысты болған қайғылы оқиға – орны толмас шығын», – деді Шариф.